दमक। उपाधि दाबेदार हाम्रो भेट्रान फुुटबल क्लब धरानलाई पाखा लगाउँदै दमक लखनपुर भेट्रान फुटबल क्लब झापाको झिलझिलेमा जारी नवीन स्मृति कप भेट्रान फुटबलको सेमिफाइनलमा प्रबेश गरेको छ।
उसले धरानलाई एक शुन्यको झिनो अन्तरमा पाखा लगाएको हो । विजयी टिमका लागि सुबास आङथुपोले गोल गरे ।
उनले पहिलो हाफको १४ औं मिनेटमा गोलकिपर अगाडि बढेको मौकाको फाईदा उठाउँदै गोल गरेका थिए ।
शनिबार दुई खेल हुनेछन् । पहिलो खेलमा उपाधि दाबेदार विर्तामोड भेट्रानले सिबिसी चन्द्रगडीको सामना गर्नेछ भने दोश्रो खेलमा आयोजक निलोले पूर्वेली भेट्रान विर्तामोडसँग प्रतिस्पर्धा गर्नेछ ।
प्रतियोगिताको विजेताले नगद ७१ हजार र उपविजेताले नगद ४१ हजार रुपैयाँ हात पार्नेछ । प्रतियोगिताको आयोजना झिलझिले भेट्रान फुटबल क्लबले गरेको हो ।
