काठमाडौं।  नेपाली महिला भलिबल टोलीले ऐतिहासिक जित हात पारेको छ।नेपाली भलिबलको ईतिहासमा भारतलाई पराजित गर्दै नेपालले ईतिहास रचेको हो। यो सँगै महिला भलिबलमा भारतलाई हराउने दशकौंदेखिको चाहना शनिबार पुरा भएको छ ।

काभा वुमन्स नेसन्स लिग २०२४ अन्तर्गत नेपालले शनिबार दशरथ रंगशालामा भारतलाई ३–२ को सेटमा हराउँदै ऐतिहासिक जित हात पारेको छ । नेपालले २५–१८, १२–२५, २५–१७, १८–२५ र १५–१३ ले हराउँदै इतिहास रचेको हो । २०४३ सालदेखि सुरु भएको नेपालको महिला भलिबलमा भारतलाई पहिलो पटक हराएको हो ।