काठमाडौं। नेपाल साफ महिला च्याम्पियनसिप फुटबल प्रतियोगिताको सेमिफाइनलमा प्रवेश गरेको छ । समूह चरणको अन्तिम खेलमा श्रीलंकाविरुद्ध ६–० को जित निकाल्दै नेपाल समूह विजेताको रुपमा सेमिफाइनल प्रबेश गरेको हो ।
नेपाललाई समूह विजेता बन्न आज ६–० को जित आवश्यक थियो । इन्जुरी समयमा रश्मीकुमारी घिसिङले गोल गरेसँगै नेपालले ६–० को जित निकालेको हो ।
बिहीबार त्रिपुरेश्वरस्थित दशरथ रंगशालामा सम्पन्न खेलमा नेपाललाई जित दिलाउन रेखा पौडेलले दुई गोल गरिन् ।
त्यस्तै सविता रानामगर, सावित्रा भण्डारी (साम्बा), अमिषा कार्की र रश्मीकुमारी घिसिङले थप गोल गरे । नेपालले खेलको पहिलो हाफमा नै चार गोल गरेको थियो।
नेपालले अब फाइनल प्रवेशका लागि समूह ‘ए’ को उपविजेता भारतसँग खेल्नेछ । सो खेल आइतबार हुनेछ ।