काठमाडौं। साफ महिला च्याम्पियनसिपमा पाकिस्तानलाई ५-२ ले पराजित गर्दै इण्डियाले विजयी यात्रा शुरु गरेको छ ।
त्रिपुरेश्वरस्थित दशरथ रंगशालामा सम्पन्न खेलमा भारतका लागि डाङमेई ग्रेसले दुई गोल गरिन् भने मनिषा कल्यान, बाला देवी र ज्योति चौहानले १-१ गोल गरे ।
पाकिस्तानका लागि सुहा हिरानी र काएला मारी सिद्दिकीले १-१ गोल गरे । यस खेलबाट भारतकी कप्तान अशलता देवीले एक सयौं अन्तर्राष्ट्रिय खेल पनि पूरा गरेकी छन्।
जितसँगै इण्डिया सेमिफाइनल नजिक पुगेको छ । समूह ए मा इण्डिया र पाकिस्तानसहित साविक विजेता बंगलादेश छ ।
यस समूहको अर्को खेल आउने आइतबार पाकिस्तान र बंगलादेशबीच हुनेछ ।
प्रतियोगितामा शुक्रबार समूह बी मा रहेका श्रीलंका र माल्दिभ्स तथा नेपाल र भुटानबीच खेल हुनेछ ।